راولپنڈی کے علاقے کوٹلی ستیاں میں مسافر کوسٹر پر مسلح ڈاکوؤں نے فائرنگ کردی، مسافر کوسٹر آزاد جموں کشمیر ےسے راولپنڈی جا رہی تھی۔
مسافر کوسٹر سلائیڈنگ کی وجہ سے متبادل راستے سے گزر رہی تھی پرچھم گھلا روڈ پر دو موٹر سائیکل سوار مسلح ڈاکوؤں نے فائرنگ کرکے کوسٹر کو زبردستی روکنے کی کوشش کی۔
پولیس کے مطابق ڈاکوؤں کی فائرنگ سے سبحان نامی مسافر زخمی ہوا جو اپردیر کا رہائشی ہے جسے قریبی اسپتال منتقل کر دیا گیاہے۔
اطلاع ملنے پر پولیس موقع پر پہنچ گئی اور ڈاکوؤں کی تلاش شروع کردی گئی۔
