راولپنڈی میں گاڑی حادثے کا شکار ہوگئی۔جس کی وجہ سے 7 افراد زخمی ہوگئے ہیں۔
راولپنڈی سے لیپا جانے والی گاڑی ٹیوٹا ہائی ایس RLD۔ 8325 شیڑ گلی کے مقام پہ حادثے کا شکار ہوگئی۔ ذرائع کے مطابق حادثہ گاڑی کی بریک فیل ہونے کی وجہ سے پیش آیا۔ گاڑی میں کل 7 مسافر سوار تھے جن میں دو خواتین اور 5 مرد شامل ہیں۔
ذرائع کے مطابق اس حادثے میں سبھی مسافروں کے زخمی ہونے کی اطلاعات موصول ہوئی ہیں۔ حادثے کے فورا بعد پاک فوج کے ڈاکٹرز اور جوان جائے حادثہ پر پہنچ گئے۔ زخمیوں کو ابتدائی طبی امداد دیکر فوجی گاڑیوں میں ایل ٹی ایف ٹی سی منتقل کر دیا گیا۔تمام زخمیوں کی حالت خطرے سے باہر بتائی جا رہی ہے۔جبکہ گاڑی کے ڈرائیور کا نام نصیر بتایا جا رہا ہے۔
