محکمہ موسمیات کے مطابق آئندہ 24 گھنٹوں کے دوران گلگت بلتستان ، کشمیر، بالائی خیبرپختونخوا، بالائی پنجاب،میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش کی توقع ہے ۔
محکمہ موسمیات کے بیان میں خبردار کیا گیا ہے کہ آندھی/جھکڑ / ژالہ باری/گرج چمک اور تیز/ موسلادھار بار ش کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)کو نقصان کا خدشہ ہے ۔
اس دوران ملک کے بیشتر علاقوں میں موسم گرم اور خشک رہنی توقع ہے جبکہ میدانی علاقوں میں شدید گرم رہنے کا امکان ہے ۔
محکمہ موسمیات کے مطابق عید الاضحی پر 7 سے 9 جون کے دوران دیر، سوات، چترال، کوہستان اور مانسہرہ میں بارش کا امکان ہے ۔
