کوئٹہ کے نواحی علاقے ہنہ اوڑک میں مسلح افراد کے حملے میں 3 افراد جاں بحق اور 8 زخمی ہو گئے۔
ہنہ اوڑک واقعے کے خلاف ائیرپورٹ روڈ پر مظاہرین نے احتجاجی دھرنا دیا اور سڑک بلاک کر دی۔
صوبائی وزیر داخلہ ضیاء اللہ لانگو نے رات واقعے کے بعد علاقے کا دورہ کر کے کلی بابری میں قبائلی عمائدین اور نوجوانوں سے ملاقات کی.
صوبائی وزیر نے قبائلی عمائدین کو مشترکہ سکیورٹی چیک پوسٹ قائم کرنے کی یقین دہانی کروائی۔
گورنر بلوچستان جعفر خان مندوخیل نے ہنہ اوڑک میں دہشتگرد حملے کی شدید مذمت کرتے ہوئے حملے میں مقامی قبائلی افراد کی شہادت پر گہرے دکھ کا اظہار کیا۔
گورنر نے متعلقہ اداروں کو ملزمان کو فوری گرفتار کر کے انصاف کے کٹہرے میں لانے کا حکم دیا۔
