لاہور: پنجاب بھر میں ٹریفک پولیس کی وردی تبدیل ہوگئی.
اہلکار اب گرے یونیفارم کے بجائے سفید شرٹ اور نیوی بلیو پینٹ زیب تن کریں گے۔
پولیس ذرائع کے مطابق رواں مالی سال میں ٹریفک پولیس کے لئے نیا یونیفارم خریدا جائے گا۔
گزشتہ سال لاہور ٹریفک پولیس کی یونیفارم تبدیل کر کے نئی یونیفارم فراہم کی گئی تھی۔
ذرائع کے مطابق ٹریفک پولیس یونیفارم کی تبدیلی کے حوالے سے گزشتہ سال منظوری دی گئی تھی۔
پہلے مرحلے میں لاہور اور دوسرے مرحلے میں پنجاب بھر میں نئی وردی پر منتقل کیا جانا ہے۔
آئی جی پنجاب عبدالکریم نے 12 یزار نئی یونیفارم کی خریداری کی منظوری دے دی۔
