اسلام آباد: آئی ایس پی آر اور ڈی ایچ اے انتظامیہ کے تعاون سے شجرکاری مہم 2026 کا آغاز کر دیا گیا۔
شجرکاری مہم میں نوجوانوں، خواتین سمیت شہریوں نے بڑی تعداد میں بڑھ چڑھ کر حصہ لیا۔
مہم میں مختلف سکولوں اور آئی ایس پی آر انٹرن شپ میں شریک طلبہ نے بھی حصہ لیا۔
شجرکاری مہم میں شریک افراد نے کہا کہ آئی ایس پی آر اور ڈی ایچ اے کے تعاون سے شجرکاری مہم قابلِ تحسین اقدام ہے۔
شرکاء نے کہا کہ مون سون شجرکاری مہم ہریالی میں اضافے اور ماحول کے تحفظ کا بہترین موقع ہے۔
موسمیاتی تبدیلی کے اثرات کا مقابلہ کرنے کے لیے زیادہ سے زیادہ درخت لگانے کی ضرورت ہے۔
شجرکاری مہم کے شرکاء نے آنے والی نسلوں کے سرسبز اور صحت مند مستقبل کے لیے آج ہی سے عملی اقدامات شروع کرنے کا پیغام دیا۔
آئی ایس پی آر اور ڈی ایچ اے انتظامیہ کی شجرکاری مہم سرسبز اور مضبوط پاکستان کے وژن کی جانب ایک اہم قدم ہے۔
