پنجاب لوکل گورنمنٹ کی خواتین افسران کے ایک وفد نے پیر کو سپیشل سیکرٹری آسیہ گل کی قیادت میں پنجاب بھر میں لوکل گورننس کے اقدامات کو مضبوط بنانے کی کوششوں کے تحت ایبٹ آباد کا دورہ کیا۔
دورے کے دوران وفد نے ڈپٹی کمشنر خالد اقبال سے ملاقات کی جس میں باہمی دلچسپی کے مختلف امور پر تبادلہ خیال کیا گیا۔ کلیدی موضوعات میں پنجاب اور خیبرپختونخوا کے محکمہ بلدیات کے درمیان تعاون کو بڑھانا اور ساتھ ہی ساتھ پنجاب کے گورننس سسٹم کا موثر نفاذ بھی شامل ہے۔ڈسٹرکٹ ٹیم لیڈر کاشف علی نے وفد کو لینڈ یوز پلاننگ اور بلڈنگ کنٹرول سے متعلق امور پر بریفنگ دی جبکہ عمر عبدالعزیز نے آسان پروگرام پر روشنی ڈالی۔
۔
