لاہور: ستھرا پنجاب کے بعد اب صوبہ بھر میں شہریوں کو صاف پانی کی فراہمی کے لیے اقدامات تیز کر دیے گئے ہیں۔
وزیراعلیٰ پنجاب مریم نواز شریف کی زیر صدارت پنجاب صاف پانی اتھارٹی کے اجلاس میں صوبے بھر میں صاف پانی کی فراہمی کا جامع منصوبہ تیار کرنے کی ہدایت کی گئی۔
انہوں نے صاف پانی اتھارٹی کو جدید خطوط پر استوار کرنے، جدید ٹیکنالوجی، ہیومن ریسورس اور ضروری سہولیات فراہم کرنے کی منظوری دی۔
اجلاس میں آر او پلانٹس، فلٹریشن پلانٹس کی بہتری، دور دراز علاقوں میں موبائل بوٹلنگ پلانٹس کے ذریعے پانی کی فراہمی اور تمام پلانٹس کی مؤثر مانیٹرنگ کا فیصلہ کیا گیا۔
مریم نواز شریف نے کہا کہ صاف پانی منصوبہ حکومت کی اہم ترجیح ہے اور اس میں کسی قسم کی غفلت برداشت نہیں کی جائے گی۔
