لاہور: پاکستان سپر لیگ (پی ایس ایل) کے فائنل میچ کے ٹکٹوں سے متعلق اہم تفصیلات سامنے آگئی ہیں، جس کا شائقین کرکٹ بے صبری سے انتظار کر رہے ہیں۔
ذرائع کے مطابق پی ایس ایل فائنل میچ کے انتظامات اور ٹکٹوں کے حوالے سے ایک اہم اجلاس منعقد ہوا، جس میں سیکیورٹی، لاجسٹکس اور دیگر انتظامی امور پر تفصیلی غور کیا گیا۔
اجلاس کے دوران پی ایس ایل فائنل ٹکٹ کی قیمتوں پر بھی تبادلہ خیال کیا گیا۔ ذرائع کا کہنا ہے کہ معمول کے مقابلے میں ٹکٹوں کی قیمتیں کچھ زیادہ رکھنے کی تجویز زیر غور آئی۔
مزید بتایا گیا ہے کہ پی ایس ایل فائنل ٹکٹ کے مجوزہ نرخوں کی حتمی منظوری چیئرمین پاکستان کرکٹ بورڈ (پی سی بی) دیں گے۔
ذرائع کے مطابق فائنل میچ کے لیے پی ایس ایل فائنل ٹکٹ کی آن لائن فروخت کل سے شروع ہونے کا امکان ہے، جس کے بعد ٹکٹوں کی پرنٹنگ مکمل ہونے پر فزیکل ٹکٹس بھی جلد دستیاب ہوں گے۔
شائقین کرکٹ کو ہدایت کی گئی ہے کہ وہ بروقت ٹکٹ حاصل کریں تاکہ اس بڑے مقابلے سے لطف اندوز ہو سکیں۔
