مسلم لیگ ن نے گلگت بلتستان انتخابات کیلئے پارٹی ٹکٹ جاری کر دیئے، سابق وزیراعلیٰ حافظ حفیظ الرحمٰن کو بھی ٹکٹ جاری کردیا گیا ہے ۔
مسلم لیگ ن کے جن امیدواروں کو ٹکٹ جاری کئے گئے ان میں جی بی اے 1 گلگت 1 سے شفیق الدین مسلم لیگ (ن) کے امیدوار نامزد کئے گئے ہیں ۔
سابق وزیراعلیٰ حافظ حفیظ الرحمٰن جی بی اے 2 گلگت 2 سے انتخابی دنگل میں اتریں گے،جی بی اے 3 گلگت 3 سے محمد اقبال کو پارٹی ٹکٹ جاری کر دیا گیا ۔
ہنزہ جی بی اے 6 سے شہزادہ سلیم مسلم لیگ ن کے امیدوار ہوں گے،بلتستان ریجن میں جی بی اے 7 سکردو 1 سے محمد اکبر خان اور جی بی اے 8 سکردو 2 سے امتیاز حیدر خان کو ٹکٹ جاری کیا گیا ۔
جی بی اے 9 اسکردو 3 سے اجمل حسین مسلم لیگ ن کی نمائندگی کریں گے،کھرمنگ جی بی اے 10 سے سید محسن رضوی ن لیگ کے نامزد امیدوار قرار دیا گیا ۔
شگر جی بی اے 12 سے محمد طاہر شگری کو پارٹی کا انتخابی ٹکٹ جاری کیا گیا جبکہ استور جی بی اے 13 سے فرمان علی اور جی بی اے 14 سے رانا محمد فاروق ن لیگ کے امیدوار ہوں گے ۔
دیامر جی بی اے 15 سے عبدالوجد اور جی بی اے 16 سے انجینئر محمد انور میدان میں ہوں گے،دیامر جی بی اے 17 سے محمد زمان اور جی بی اے 18 سے ملک کفایت الرحمٰن کو ٹکٹ جاری کر دیے گئے ۔
ضلع غذر جی بی اے 19 سے ظفر محمد، جی بی اے 20 سے عبدالجہان اور جی بی اے 21 سے غلام محمد نامزد کئ گئے ہیں جبکہ گھانچے جی بی اے 22 سے محمد ابراہیم ثنائی مسلم لیگ ن کے امیدوار ہوں گے ۔
