واشنگٹن: امریکی ایوانِ نمائندگان میں امن و سفارتی کوششوں پر پاکستان کو خراجِ تحسین پیش کرنے کے لیے قرارداد جمع کرا دی گئی ہے۔
قرارداد ڈیموکریٹک رکن کانگریس ایل گرین نے ایوانِ نمائندگان میں پیش کی جس میں پاکستان کی امن کے لیے کوششوں اور سہولت کاری کو سراہا گیا۔
قرارداد کے متن کے مطابق پاکستان امن بات چیت کے لیے محفوظ اور قابل اعتماد مقام فراہم کر رہا ہے اور ایک کلیدی ثالث کے طور پر سامنے آیا ہے.
پاکستان نے مذاکرات کو آگے بڑھانے میں اہم کردار ادا کیا۔
متن میں کہا گیا ہے کہ پاکستان کو تمام فریقین غیر جانبدار ثالث کے طور پر دیکھتے ہیں۔
امن مذاکرات کے لیے پاکستان کو محفوظ اور قابلِ اعتماد مقام تصور کیا جاتا ہے۔
قرارداد میں یہ بھی کہا گیا کہ پاکستان نے سفارتی وفود کی میزبانی کے لیے ملک گیر بندشوں اور مشکلات کا سامنا کیا۔
