پاکستان انٹرنیشنل ایئرلائنز (پی آئی اے) کی برطانیہ کے لیے پروازوں میں بتدریج اضافہ کیا جا رہا ہے۔
لندن کے لیے ہفتہ وار پروازوں کی تعداد 7 کر دی گئی ہے.
برمنگھم کے لیے یکم دسمبر سے ہفتہ وار 3 پروازوں کے ساتھ براہِ راست فضائی آپریشن بحال کیا جائے گا۔
پی آئی اے کے ترجمان کے مطابق لندن کے لیے جدید ترین بوئنگ 777 طیارے استعمال کیے جائیں گے۔
دورانِ پرواز مسافروں کو جدید ترین انٹرٹینمنٹ سسٹم کی سہولت بھی فراہم کی جائے گی۔
ترجمان کے مطابق پی آئی اے کی نجکاری کے بعد کنسورشیم نے 29 جون 2026 کو قومی ایئرلائن کا چارج سنبھالا، جس کے بعد مختلف اقدامات کا سلسلہ جاری ہے۔
ترجمان پی آئی اے کے مطابق چھ سالہ پابندیوں کے بعد قومی ایئرلائن کا برطانیہ کے لیے فضائی آپریشن اسلام آباد سے 5 اور لاہور سے 2 پروازوں کے ساتھ وسعت دی جا رہی ہے۔
پاکستان اور برطانیہ کے درمیان فضائی رابطہ اب روزانہ کی بنیاد پر دستیاب ہوگا.
اس اقدام سے مسافروں کو سفر کی منصوبہ بندی میں مزید سہولت اور انتخاب میسر آئے گا۔
