اسلام آباد: وزیراعظم شہباز شریف نے کہا ہے کہ آج اس میں خاطر خواہ کمی کا اعلان کریں گے۔
شہباز شریف نے کہا کہ ہماری حکومت نے وعدہ کیا تھا تیل کی قیمتوں میں کمی آئی تو اسے قوم کو واپس لوٹائیں گے۔
قومی اسمبلی میں اظہار خیال کرتے ہوئے شہباز شریف نے کہا کہ آج ساری دنیا میں پاکستان کا نام عزت و وقار سے گونج رہا ہے، دنیا کے ہر خطے میں پاکستان کا وقار بلند ہوا ہے۔
انہوں نے کہا کہ کل شام ایران کے صدر سے بات ہوئی، ایران کے صدر نے بار بار پاکستان کا شکریہ ادا کیا، انہوں نے کہا کہ پاکستان آکر وہاں کے عوام کا شکریہ ادا کروں گا۔
وزیراعظم کا کہنا تھا کہ آج سے 3 مہینے پہلے جنگ چھڑنے پر تیل کی قیمتوں کو آگ لگ گئی لیکن جنگ بندی کے بعد اب تیل کی قیمتیں تیزی سے نیچے آرہی ہیں۔
جنگ بندی سے اب خطے میں معاشی خوشحالی آئے گی۔
آج تیل اور پیٹرول کی ہفتہ وار قیمتوں کا اعلان کرنا ہے، آج اس میں خاطر خواہ کمی کا اعلان کیا جائے گا۔
