پشاور (شوبز ڈیسک): کےٹو ٹی وی پشاور سے نشر ہونے والا ہفتہ وار پروگرام پشاور جنکشن ہر ہفتہ کی رات آٹھ بجے براہِ راست آن ایئر کیا جاتا ہے۔ اس پروگرام کے میزبان معروف اینکر زکی الرحمن ہیں، جبکہ ہر قسط میں ایک باصلاحیت خاتون کو بطور مہمان اور کو اینکر مدعو کیا جاتا ہے۔
گزشتہ قسط میں معروف فیشن ڈیزائنر ماہ روش نے شرکت کی۔ زکی الرحمن نے ان سے فیشن ڈیزائننگ کے مختلف پہلوؤں پر سیر حاصل اور معلوماتی گفتگو کی، جس میں ان کی پیشہ ورانہ اور عملی زندگی کے دلچسپ پہلو بھی شامل تھے۔
پروگرام کے دوران پشاور کی ایک قدیمی دکان پر مبنی خصوصی اور دلچسپ رپورٹ بھی پیش کی گئی۔ علاوہ ازیں، کالرز کے ذریعے آنے والے سوالات کے میزبان اور مہمان نے خوشگوار انداز میں جوابات دیے، جبکہ ناظرین کی جانب سے ارسال کردہ منتخب تصاویر بھی دکھائی گئیں۔
