اسلام آباد: وفاقی وزیر خزانہ و محصولات سینیٹر محمد اورنگزیب نے پاکستان کے تاریخی پانڈا بانڈ کو عالمی سطح پر اہم اعزاز حاصل ہونے پر اسے مالیاتی استحکام، عالمی اعتماد میں اضافے اور نئے مالیاتی ذرائع تک رسائی کی جانب اہم پیش رفت قرار دیا ہے۔
وفاقی وزیر خزانہ محمد اورنگزیب نے اس کامیابی پر چین، ایشیائی انفراسٹرکچر انویسٹمنٹ بینک، ایشیائی ترقیاتی بینک، سرمایہ کاروں، مشیروں اور دیگر شراکت داروں کا شکریہ ادا کیا ہے۔
انہوں نے کہا کہ پاکستان مالیاتی استحکام اور عالمی اعتماد میں اضافے کے ساتھ نئے مالیاتی ذرائع اور منڈیوں تک رسائی حاصل کر رہا ہے، جس سے پائیدار معاشی ترقی کے لیے مضبوط بنیادیں قائم ہوں گی۔
سینیٹر محمد اورنگزیب نے کہا کہ یہ اعزاز پاکستان کے لیے عالمی سرمایہ کے نئے ذرائع تک رسائی اور پائیدار و مارکیٹ پر مبنی فنانسنگ کی جانب پیش رفت کا عکاس ہے۔
