پاک فوج کے ترجمان کی جانب سے جاری بیان کے مطابق سکیورٹی فورسز نے شمالی وزیرستان کے ضلع دتہ خیل کے علاقے میں انٹیلی جنس بیسڈ آپریشن کیا ۔
آئی ایس پی آر کا کہنا ہے کہ جو آپریشن خوارج سے تعلق رکھنے والے دہشتگردوں کی موجودگی کی اطلاع پرکیاگیا، اور اس دوران دہشتگردوں کے ٹھکانے کو موثر انداز میں نشانہ بنایا گیا ۔
آئی ایس پی آر نے بتایا کہ آپریشن کے دوران فورسز اور دہشتگردوں کے درمیان شدید فائرنگ کے تبادلے کے بعد 14 دہشتگرد ہلاک ہوگئے ۔
آئی ایس پی آر کے مطابق بھارتی سرپرستی میں کام کرنے والےدہشتگرد کے ٹھکانےکو مؤثر انداز میں نشانہ بنایا گیا، علاقے سے مزید بھارتی سپانسرڈ دہشتگرد کے خاتمے کے لیے کلیئرنس آپریشن جاری ہے ۔
آئی ایس پی آر کا مزید کہنا ہے کہ سکیورٹی فورسز ملک سے بھارتی سپانسرڈ دہشتگردی کے خاتمے کے لیے پرعزم ہیں ۔
