اٹک: آر پی او راولپنڈی بابر سرفراز الپا کی ضلع کونسل ہال اٹک میں کھلی کچہری کے دوران شہریوں نے مسائل کے انبار لگا دیئے ۔
ریجنل پولیس آفیسر راولپنڈی ڈویژن بابر سرفراز الپا نے ضلع کونسل ہال اٹک میں کھلی کچہری کا انعقاد کیا، ضلع بھرسے درجنوں مرد و خواتین سائیلن نے جرائم، زمینوں کے تنازعات، تھانوں میں رویے، اور دیگر مسائل سے متعلق شکایات درج کروائیں ۔
آرپی او راولپنڈی نے تمام سائلین کے مسائل سنے اور ان کے فوری حل کےلیے احکامات جاری کیے اس موقع پر ڈی پی او اٹک ڈاکٹر سردار غیاث گل خان بھی موجود تھے ۔
آر پی او راولپنڈی کا کہناتھا کہ شہریوں کو ہر حال میں ریلیف پہنچایا جائے گا، ان کے مسائل کو نظرانداز نہیں کیا جا سکتا، پولیس کا فرض ہے کہ وہ عوام کی خدمت کرے اور انصاف کی فراہمی کو یقینی بنائے ۔
انہوں نے متعلقہ افسران کو ہدایات دیں کہ شکایات پر فوری ایکشن لیا جائے اور شفاف تحقیقات کے ذریعے انصاف کی فراہمی کو یقینی بنایا جائے ۔
