سکیورٹی فورسز نے شمالی وزیرستان میں پاک افغان سرحد کے قریب کلیئرنس آپریشن کرتے ہوئے مزید 17 دہشت گردوں کو ہلاک کر دیا، تین روز کے دوران ہلاک دہشتگردوں کی مجموعی تعداد 71 ہو گئی ۔
پاک فوج کے شعبہ تعلقات عامہ کی جانب سے جاری بیان کے مطابق سکیورٹی فورسز نے پاک افغان سرحد پر حسن خیل کے نواحی علاقوں میں کلیئرنس آپریشن کیا جس میں مزید 17 دہشت گرد ہلاک ہوگئے ۔
آئی ایس پی آر کے بیان میں کہا گیا ہے کہ مارے گئے خوارج اپنے بھارتی آقاؤں کے ایما پر کارروائیاں کر رہے تھے ، ہلاک ہونے والے دہشتگردوں کے قبضے سے اسلحہ، گولہ بارود اور دھماکہ خیز مواد بھی برآمد ہوا ۔
آئی ایس پی آر نے کہا ہے کہ شمالی وزیرستان مں 3 دن کی کارروائی کے دوران اب تک 71 دہشتگردوں کو ہلاک کیا گیا ۔
شعبہ تعلقات عامہ کے مطابق گزشتہ روز کے آپریشن میں سکیورٹی فورسز نے 54 دہشتگرد ہلاک کیے تھے، سکیورٹی فورسز نے گزشتہ روز ہونے والے آپریشن کے فالو اپ میں یہ آپریشن کیا ۔
