نیشنل ڈیزاسٹر مینجمنٹ اتھارٹی نے ملک بھر میں جاری سیلابی صورتحال کے دوران جانی و مالکی نقصانات کی تازہ رپورٹ جاری کردی،رپورٹ کے مطابق ممجموعی تعداد 910 ہوگئی جبکہ اس دوران 1044 افراد زخمی ہوئے ، اس دوران گلگت بلتستان میں 41 اور آزاد کشمیر میں 38 افراد جاں بحق ہوئے ۔
اسلام آباد: این ڈی ایم اے کی رپورٹ کے مطابق رواں برس 26 جون سے لے کر اب تک 910 افراد جاں بحق اور 1044 زخمی ہوئے ۔
این ڈی ایم اے رپورٹ میں کہا گیا ہے کہ 442 افراد دریائی سیلاب، 252 لوگ گھر گرنے اور 65 افراد ڈوبنے سے جان سے گئے، جب کہ 57 لوگ سیلاب آنے اور 11 افراد موسلادھار بارشوں سے جاں بحق ہوئے ۔
این ڈی ایم اے کے مطابق 25 افراد لینڈ سلائیڈنگ، 23 لوگ کرنٹ لگنے اور 26 افراد آسمانی بجلی گرنے سے جاں بحق ہوئے جبکہ مزید 7 افراد سیلاب اور بارشوں کے باعث مختلف وجوہات کی بنا پر جان سے گئے ۔
اعدادوشمار میں بتایا گیا ہے کہ مجموعی طور پر خیبرپختونخوا میں سب سے زیادہ 504، پنجاب میں 234 ، سندھ میں 58 اور بلوچستان میں 26، گلگت بلتستان میں 41، آزاد کشمیر میں 38 اور اسلام آباد میں 9 افراد جاں بحق ہوئے ۔
این ڈی ایم اے کے مطابق پنجاب میں اب تک 654، خیبرپختونخوا میں 218، سندھ میں 78، بلوچستان میں 5، گلگت بلتستان میں 52 ، آزاد کشمیر میں 34 ، اور اسلام آباد میں 3افراد زخمی ہوئے ہیں ۔
این ڈی ایم اے کے مطابق بارشوں اور سیلاب سے اب تک 7850 گھر متاثر ہوئے ہیں ان میں سے 5905 گھروں کو جزوی نقصان پہنچا جبکہ 1945 گھر مکمل طور پر تباہ ہوئے ۔
اعدادوشمار میں بتایا گیا ہے کہ دوران مون سون اب تک 6180 مویشی بھی ہلاک ہوچکے ہیں ۔
