میرپور پولیس نے کامیاب کارروائی کرتے ہوئے مسجد کے چندہ بکس سے رقم، بند گھروں و دکانوں سے قیمتی اشیاء اور بکری چوری میں ملوث تین شاطر چور گرفتار کرلئے گئے ۔
ہری پور: ڈی پی او ایبٹ آباد ہارون رشید خان کی ہدایات پر میرپور پولیس کا جرائم پیشہ عناصر کے خلاف کریک ڈاؤن جاری ہے ۔
گرفتار ملزمان مسجد کے چندہ بکس (صدقہ بکس) سے رقم چرانے، بند گھروں اور دکانوں سے قیمتی اشیاء کی چوری اور بکری چوری کی وارداتوں میں ملوث تھے ۔
گرفتار ملزمان حزب اللہ ولد علیم گل اور حمزہ ولد ہارون سکنہ میرپور میرا جبکہ بکری چوری میں ملوث ملزم نواز ولد ریاض سکنہ مانسہرہ شامل ہیں ۔
ملزمان کے قبضے سے چندہ بکس سے چوری شدہ رقم، 02 موبائل فونز، 02 گھڑیاں، 02 انگوٹھیاں، نقد رقم اور چوری چکاری میں استعمال ہونے والے آلات برآمد کیے گئے۔ جبکہ بکری چور ملزم سے 03 چوری شدہ بکریاں بھی برآمد کر لی گئیں ۔
پولیس حکام کے مطابق ملزمان کے خلاف مقدمات درج کر کے مزید تفتیش شروع کر دی ہے ۔
