نو مئی کیس،عدالت نے شیخ رشید کے خلاف کیس کی سماعت کے دوران سپرنٹنڈنٹ اڈیالہ جیل کو توہین عدالت کا نوٹس جاری کر دیا۔
سابق وزیر داخلہ اور عوامی مسلم لیگ کے سربراہ شیخ رشید کے خلاف 9مئی کے کیس کی سماعت انسداد دہشت گردی راولپنڈی کی عدالت کے جج ملک اعجاز آصف نے کی۔عدالت نے سپرنٹنڈنٹ اڈیالہ جیل کو 26جنوری کو ذاتی حیثیت میں طلب کر لیا۔یادرہے کہ شیخ رشید سے ملاقات نہ کرانے پر وکلا نے جیل انتظامیہ کے خلاف توہین عدالت کی درخواست دائر کی تھی۔درخواست میں شیخ رشید کی طبیعت کی ناسازی کے بارے میں بھی عدالت کو آگاہ کیا گیا جس کے بعد عدالت نے جیل انتظامیہ کو شیخ رشید کا طبعی معائنہ کرا کے رپورٹ دینے کی ہدایت کر دی ہے۔دوسری جانب 9مئی کے کیسز میں شخ رشید کے خلاف درخواست ضمانت پر سماعت کے دوران عدالت نے مقدمات کے تفتیشی افسران کو 2گھنٹے میں طلب کر لیا۔
