مانسہرہ کی ویلج کونسل جبوڑی کے گاوں سنڈی سے جبوڑی آنے والی جیپ کو جبوڑی بازار سے کچھ فاصلے پر کٹھی میں حادثہ پیش آیا ہے ۔
پولیس کی جانب سے بتایا گیا ہے کہ حادثہ جیپ کے بریک فیل ہونےکےباعث پیش آیا جس کے نتیجے میں 4 خواتین جاں بحق اور 8 افرا زخمی ہوئے ۔
مرنے والوں میں صفیہ زوجہ محبوب سکنہ کھوڑی سنڈی,خانم جان زوجہ محمد زمان سکنہ ڈوگیاں ساتھ ان کی پوتی دختر رفاقت ساکنان سنڈی،کلساں باڑی کی ایک خاتون زیتون زوجہ محمد جان شامل ہیں ۔
زخمیوں میں اکبر جان بیوہ نزیر ،میوہ جان بیوہ محمد ایوب ،زیفون زوجہ خانیزمان اور خیمہ زوجہ محمد فاروق،فدا ولد محمد نزیر ساکنان سنڈی ،محمد جان سکنہ باڑی ،وسیم اور شکیل پسران محمد انوار جیپ ڈرائیور سمیت کل آٹھ افراد شامل ہیں ۔
زخمیوں میں محمد جان سکنہ باڑی کو کنگ عبداللہ ہسپتال مانسہرہ جبکہ باقی زخمیوں کو رورل ہیلتھ سنٹر شنکیاری منتقل کر دیا گیا ہے جہاں ان کو ابتدائی طبی امداد فراہم کی جا رہی ہے ۔
