کلرسیداں میں شہری سے کروڑوں روپے کی گاڑیان رینٹ پر لے کر فروخت کرنے والے ملزم کو پولیس نے گرفتار کرلیا ، ملزم کے قبضے سے گاڑیاں بھی برآمد کرلی گئیں ۔
کلر سیداں: پولیس حکام نے بتایا کہ ملزم نے وقتاً فوقتاً رینٹ پر گاڑیاں لے کر دیگر اضلاع میں فروخت کر دی تھیں، چند روز قبل شہری کی درخواست پر مقدمہ درج کیا ۔
پولیس نے ٹیکنیکل و ہیومین انٹیلیجنس ذرائع بروئے کار لاتے ہوئے مختلف اضلاع سے کاریں برآمد کیں، گاڑیاں بھکر، خوشاب، بھلوال، حافظ آباد، واہ اور راولپنڈی میں فروخت کی گئی تھیں ۔
ایس پی صدر انعم شبیر کے مطابق زیر حراست شخص کو ٹھوس شواہد کے ساتھ چالان عدالت کیا جائے گا، شہریوں کے ساتھ دھوکہ دہی یا استحصال کی کوئی گنجائش نہیں ۔
انہوں نے مزید کہا کہ شہری کسی بھی قسم کے لین دین سے پہلے مکمل تسلی ضرور کریں تاکہ انکی قیمتی اشیاء محفوظ رہ سکیں ۔
