میڈیا کرکٹ لیگ 2025 خیبر نیٹ ورک نے جیت لی ۔ فائنل میں خیبر نیٹ ورک نے روزنامہ جنگ جیو گروپ کو آٹھ وکٹ سے شکست دی۔
شالیمار کرکٹ گراؤنڈ اسلام آباد میں کھیلے جانے والے فائنل میں پہلے کھیلتے ہوئے جنگ جیو گروپ نے 148 رنز بنائے۔ خیبر نیٹ ورک نے مطلوبہ ہدف ساتویں اوور میں دو وکٹ کے نقصان پر پورا کر لیا۔ فائنل کے مین آف دی میچ فہد میاں چنو ں تھے ۔ مین آف دی ٹورنامنٹ سنو ٹی وی کے متین احمد رہے جبکہ بیسٹ بالر فرحت عباسی گرین ٹی وی قرار پائے۔ قبل ازیں پہلے سیمی فائنل میں روزنامہ جنگ نے ایک نیوز کو 30 رنز سے شکست دے کر فائنل تک رسائی حاصل کی تھی جبکہ دوسرے سیمی فائنل میں خیبر نیوز نے جی این این کو 10 وکٹ سے ہرا کر فائنل کھیلنے کا اعزاز حاصل کیا تھا۔
فائنل کے مہمان خصوصی چیئرمین سینٹ یوسف رضا گیلانی اور وفاقی وزیر اطلاعات و نشریات عطا تارڑ تھے ۔ انہوں نے ونر ٹرافی اور تین لاکھ روپے فائنل کی فاتح خیبر نیٹ ورک کو جبکہ رنر اپ ٹرافی اوردو لاکھ روپے جنگ جیو گروپ کو د یئے۔مختلف آفیشلز اور ٹورنامنٹ آرگنائزز میں شیلڈز بھی تقسیم کی گئیں۔
