کراچی: سائٹ سپرہائی وے، نیو کراچی انڈسٹریل ایریا، میمن گوٹھ، درخشاں، گلشن معمار اور شاہ لطیف پولیس کے مبینہ مقابلے۔
ان مقابلوں میں 8 زخمی سمیت 12 ڈاکوؤں کو گرفتار کر کے اسلحہ، موبائل فونز، کیش رقم اور موٹر سائیکلیں برآمد کر لیں۔
پولیس نے بدھ اور جمعرات کی درمیانی شب سپرہائی وے نیو سبزی منڈی کے عقب میں فقیرا گوٹھ سے مبینہ مقابلے کے بعد ایک ڈاکو کو زخمی حالت میں گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید ہسپتال منتقل کیا گیا۔
ترجمان کراچی پولیس کے مطابق زخمی حالت میں گرفتار ملزم کی شناخت عزت اللہ کے نام سے کی گئی۔
گرفتار ملزم سے ایک پستول مع گولیاں، موبائل فون، کیش رقم اور موٹر سائیکل برآمد کی گئی۔
نیو کراچی انڈسٹریل ایریا پولیس نے خمیسہ گوٹھ جی23 بس اسٹاپ کے قریب مبینہ مقابلے کے بعد ایک ڈاکو کو زخمی حالت میں گرفتار کر لیا۔
زخمی حالت میں گرفتار ڈاکو کو چھیپا ایمبولینس کے ذریعے عباسی شہید اسپتال منتقل کیا گیا۔
ترجمان کراچی پولیس کے مطابق زخمی حالت میں گرفتار ڈاکو کی شناخت فرمان عرف فیمو خادم حسین کے نام سے کی گئی۔
ڈاکو کے قبضے سے ایک پستول مع گولیاں، موبائل فون، کیش رقم اور موٹر سائیکل برآمد کی گئی۔
میمن گوٹھ پولیس نے بدھ اور جمعرات کی درمیانی شب میمن گوٹھ مائی نیانی مزار کے قریب مبینہ مقابلہ کے بعد 2 زخمی سمیت 4 ڈاکوؤں کو گرفتار کر لیا گیا۔
زخمی حالت میں گرفتار ڈاکوؤں کو چھیپا ایمبولینس کے ذریعے جناح ہسپتال منتقل کیا گیا۔
