کوئٹہ: جنوبی بلوچستان کے شہر دالبندین میں سیکیورٹی فورسز نے غیر قانونی معیشت کے خلاف کارروائی کی۔
کارروائی کے دوران منظم سمگلنگ نیٹ ورک کو نشانہ بنایا اور کروڑوں روپے مالیت کا اسمگل شدہ سامان برآمد کر لیا۔
ذرائع کے مطابق کارروائی کے دوران تقریباً 4 کروڑ 20 لاکھ روپے مالیت کا اسمگل شدہ سامان ضبط کیا گیا۔
ابتدائی تحقیقات کے مطابق مذکورہ سمگلنگ نیٹ ورک ریاست مخالف عناصر کو مالی وسائل، رسد اور دیگر سہولیات فراہم کرنے میں بھی ملوث تھا۔
حکام کا کہنا ہے کہ یہ کارروائی صرف سمگلنگ کے خاتمے تک محدود نہیں۔
یہ کاروائی غیر قانونی معیشت اور جرائم پیشہ نیٹ ورکس کے خلاف فیصلہ کن اقدام ہے۔
کارروائی کا مقصد امن و امان کو مستحکم کرنا اور غیر قانونی سرگرمیوں کی مالی معاونت روکنا ہے۔
کارروائی کی تکمیل کے بعد ضبط شدہ سامان کسٹم حکام کی موجودگی میں ضابطہ کار کے مطابق تلف کر دیا گیا۔
