ہری پور ایس پی انویسٹی گیشن امجد حسین نے کالو پنڈ قتل کی جائے وقوعہ کا دورہ کیا اور ملزمان کو جلد از جلد گرفتار کرنے کے احکامات جاری کئے.
ہری پور کے ایس پی انویسٹی گیشن امجد حسین نے کالو پنڈ قتل واقعہ کی تحقیقات کے لئے جائے وقوعہ کا دورہ کیا ہے اور ملزمان کو فوراً گرفتار کرنے کے لئے احکامات جاری کئے ہیں۔ واضح رہے کہ ہری پور میں تھانہ پنیاں کی حدود کالو پنڈ میں قتل کا واقعہ رونما ہوا۔ اطلاع ملتے ہی ایس پی انویسٹی گیشن امجد حسین نے ڈی ایس پی کے ہمراہ جائے وقوعہ کا دورہ کیا ۔
تھانہ پنیاں کے اس پی انویسٹی گیشن نے مقتول کے ورثا سے ملاقات کی اور واقعہ سے متعلق معلومات حاصل کی۔ امجد حسین کی قیادت میں جاری کردہ تحقیقات میں پولیس نے اہم دستاویزات اور موقع پر موجود لوگوں سے بیان لیئے۔ایس پی انویسٹی گیشن امجد حسین نے جائے وقوعہ کا تفصیلی جائزہ لینے کے ساتھ ساتھ ایس ایچ او تھانہ پنیاں اور تفتیشی افسران کو وقوعہ میں ملوث ملزمان کو جلد از جلد گرفتار کرنے کے احکامات جاری کئے۔ پولیس کی جانب سے مختلف مقامات پر کارروائیاں شروع ہو چکی ہیں، جس کا مقصد ملزمان کو ٹریس کر کے جلد ہی گرفتار کرنا ہے
