وفاقی دار الحکومت اسلام آباد میں مختلف پوائنٹس پر مفت وائی فائی، آئی ٹی پارکس کا قیام اور ای آئی کورس سمیت جدید کورس کروانے کا فیصلہ کیا گیا ہے۔
ان اقدامات کا فیصلہ رکن قومی اسمبلی انجم عقیل خان، چیئرمین قائمہ کمیٹی برائے داخلہ راجہ خرم نواز، وفاقی وزیر انفارمیشن ٹیکنالوجی شزا فاطمہ خواجہ، چیئرمین یوتھ افیئرز رانا مشہود احمد خان کے درمیان ہونے والی میٹنگ میں کیا گیا۔
اس موقع پر رکن اسمبلی انجم عقیل کا کہنا تھا کہ وفاقی دار الحکومت میں نوجوانوں سے کیلئے ایک جامعہ پالیسی اور پروگرام لا رہے ہیں اس کے علاوہ اسلام آباد میں مختلف پوائنٹس پر فری وائی فائی، آئی ٹی پارکس کا قیام اور آرٹیفیشل انٹیلیجنس کورس کروانے پر بھی اتفاق کیا گیا۔
انجم عقیل خان کا مزید کہنا تھا کہ نوجوانوں کی بہتری کیلئے ہر ممکن مدد کی جائے گی، اسلام آباد میں طلبا و طالبات کے لیے آسان اقساط پر الیکٹرانک بائیکس اور دیگر امور کے لیے وزیر اعظم شہباز شریف سے بات کریں گے۔
