جہلم میں ایک انوکھا واقعہ پیش آیا ہے۔ ایکسائز انسپکٹر ضبط شدہ منشیات اپنے اہلکاروں میں تقسیم کرتا پکڑا گیا۔ میڈیا رپورٹس کے مطابق ایکسائز انسپکٹر اور اہلکاروں نے منشیات فروش میاں بیوی کو پکڑا اور پھر رہا کر دیا لیکن ضبط شدہ منشیات آپس میں ہی بانٹ لی۔ منشیات کی مقدار تقریباً اٹھارہ کلو تھی۔ ایکسائز انسپکٹر اور اہلکاروں کے خلاف مقدمہ درج کر لیا گیا۔ ایکسائز انسپکٹر جنید کے قبضے سے 4 کلو منشیات کے 15 پیکٹ برآمد ہوئے جب کہ دیگر ایکسائز اہلکاروں کی گرفتاری کے لیے کوشش جاری ہے۔
ملزمان ایکسائز انسپکٹر اور اہلکاروں نے ٹول پلازہ پر مشکوک گاڑی روک کر منشیات برآمد کی مگر گاڑی میں موجود ملزمان کو چھوڑ کر منشیات آپس میں تقیسم کرلی تھی۔
