بھارت میں شراب نوشی سے روکنے پر شوہر نے مشتعل ہو کر بیوی کو آگ لگا دی
بھارتی میڈیا کے مطابق یہ واقعہ نئی دہلی کے علاقے دوارکا ڈبری میں پیش آیا جہاں نشے کا عادی شوہر اپنی بیوی کا قاتل بن گیا۔ میڈیا رپورٹس کے مطابق نریندر شراب پینے کا عادی تھا اور اسی وجہ سے آئے روز اس کا جھگڑا بیوی ‘بنیتا’ سے ہوتا رہتا تھا۔
پولیس نے بتایا کہ جمعرات کے روز بھی دونوں کے درمیان جھگڑا ہوا اور نریندر نے شراب نوشی سے منع کرنے پر پیٹرول چھڑک کر آگ لگا دی۔ جیسے ہی آگ لگانے کا واقعہ رونما ہوا اور چیخ و پکار مچی تو پڑوسی فوری مدد کیلئے آئے اور بنیتا کو اسپتال منتقل کیا۔ لیکن آگ لگنے کی وجہ سے جسم 20 فیصد تک جھلس گیا ہے
پولیس نے ملزم کو گرفتار کر کے اس کے خلاف اقدام قتل کا مقدمہ درج کر لیا۔
