پاکستان تحریک انصاف (پی ٹی آئی) کے ایک مقامی رہنما عمران امام کو ہزارہ ڈویژن کے شہر ایبٹ آباد میں گولی مار کر ہلاک کر دیا گیا ہے۔
مقامی پولیس نے میڈیا کو بتایا کہ ملک پورہ کے سابق ضلع ناظم اور تحصیل ممبر کو جمعہ کے روز ان کی رہائش گاہ کے باہر قتل کیا گیا۔ بعد ازاں پولیس موقع پر پہنچی اور ان کی لاش کو قانونی کارروائی کے لیے ڈی ایچ کیو اسپتال منتقل کردیا۔
واضح رہے کہ پاکستان مسلم لیگ نواز کے سابق رہنما عمران امام نے ایک ہفتہ قبل پاکستان تحریک انصاف میں شمولیت اختیار کی تھی اور انتخابات سے قبل پارٹی مہم میں شامل تھے۔
پولیس کے مطابق یہ ابھی تک واضح نہیں ہے کہ یہ ٹارگٹڈ حملہ تھا یا ذاتی دشمنی۔ پولیس نے جائے وقوعہ سے شواہد اکٹھے کر کے مزید تفتیش شروع کر دی۔
