ایس سی او کی طرف سے لائن وادی نیلم کے علاقوں کیل اور اٹھمقام میں فری لانسنگ ہبز کا قیام کردیا گیا ہے۔
آزادکشمیر کےگاؤں تاؤبٹ میں بھی فورجی موبائل سروسزکا افتتاح کردیا گیا ہے،آزاد کشمیر اور اس کے دوردراز کے علاقوں کےنوجوانوں کو انفارمیشن ٹیکنالوجی کی جدید سہولیات کے ساتھ ساتھ سیاحت کا فروغ دینا ایس سی او کی ترجیحات میں شامل ہیں۔
ذرائع کے مطابق وادی نیلم کے علاقے کیل میں فری لانسنگ ہب اور وادی کےآخری گاؤں تاؤبٹ میں فورجی سروسز کا آغاز کیا گیا ہے،وادی نیلم کے نوجوانوں کی آئی ٹی میں دلچسبی نہایت ہی قابل تعریف ہے۔
گلگت بلتستان اور کشمیر میں سافٹ ویئر ٹیکنالوجی پارک اور فری لانسنگ ہب کو قائم کیا گیا ہے،کسی بھی قسم کے مشکل حالات میں رابطوں کی بحالی کو برقرار رکھنے کے لیے ایس کام ٹاورز کو سولر سے منسلک کیا جارہا ہے۔
وادی نیلم کے نوجوانوں،لوگوں،منتخب عوامی نمائندوں اور طلبہ نے ترقی میں بنیادی اور اہم کردار ادا کرنے پر پاک فوج اور ایس سی او کو خراج تحسین پیش کیا ہے۔
