سری لنکا کے سابق کرکٹر دلیپ سماراویرا کوڈ آف کنڈکٹ کی خلاف ورزی کرنے پر پر کرکٹ آسٹریلیا نے 20 سال کے لیے کسی بھی عہدہ پر فائز رہنے پر پابندی عائد کردی۔
کرکٹ آسٹریلیا کے کنڈکٹ کمیشن کے مطابق سماراویرا خاتون کرکٹر کے ساتھ نامناسب رویے میں ملوث پائے گئے ہیں اور ضابطہ اخلاق کے سیکشن 2.23 کی خلاف ورزی کی ہے۔
سماراویرا پر کرکٹ وکٹوریہ کی ایک خاتون نے غیر مناسب رویے سے متعلق الزامات عائد کیے تھے۔
یاد رہے دلیپ سماراویرا نے 1993 سے 1995 تک سری لنکا کیلئے 7 ٹیسٹ اور 5 ون ڈے انٹرنیشل میچز کھیلے۔
انہوں نے 2008 میں کرکٹ وکٹوریہ میں بطور ماہر بیٹنگ کوچ شمولیت اختیار کی تھی اور گزشتہ سال نومبر میں ویمنز ٹیم کا عبوری ہیڈ کوچ نامزد کیا گیا تھا۔
