پنجاب خیبر پختونخوا اور اسلام آباد کے اطراف فلائٹ آپریشن شدید متاثر۔ دھند کی وجہ سے 15 پروازیں منسوخ کر دی گئی ہیں۔
ذرائع کے مطابق پی آئی اے کی ابوظبی سے پشاور اور دبئی سے پشاور کی پرواز اسلام آباد لینڈنگ کروا دی گئی جب کہ اسکے علاوہ نجی ائیر لائن کی شارجہ سے اسلام آباد اور مانچسٹر سے اسلام آباد کی پرواز بھی منسوخ کر دی گئی
مزید تفصیلات کے مطابق اسلام آباد سے ریاض کے درمیان نجی ائیر لائن کی پرواز ای ار 807 اور 808، اسلام آباد سے کوئٹہ کی پروازیں ای آر 540 اور 541 بھی منسوخ کردی گئیں، اس کے علاوہ لاہور دبئی، ملتان دبئی، کراچی کوئٹہ اور کراچی اسلام آباد کی پروازیں بھی منسوخ کردی گئیں۔
