پولیس نے اتوار کے روز کریک ڈاؤن کے دوران موٹرسائیکل گینگ کے تین ارکان کو گرفتار کر کے ان کے قبضے سے 5 مسروقہ موٹر سائیکلیں برآمد کر لیں۔
پولیس ترجمان کے مطابق آر اے بازار میں پولیس نے کارروائی کرتے ہوئے تین رکنی موٹر سائیکل لفٹر گینگ کو گرفتار کر لیا جن کی شناخت چاند شہزاد، حسن علی اور ثاقب علی کے نام سے ہوئی۔ پولیس نے ان تمام کے خلاف الگ الگ مقدمات درج کر لیے ہیں اور مزید تفتیش جاری ہے۔ایس پی پوٹھوہار ناصر نواز نے پولیس ٹیم کو شاباش دیتے ہوئے کہا کہ شہریوں کو ان کے قیمتی اثاثوں سے محروم کرنے والے ملزمان قانون کی گرفت سے نہیں بچ سکتے۔ انہوں نے واضح کیا کہ عوام کے جان و مال کا تحفظ پولیس کا اولین فرض ہے۔
