راولپنڈی میں نامعلوم افراد کی فائرنگ، تحریک انصاف کے سابق رکن صوبائی اسمبلی چوہدری عدنان جاں بحق

تفصیلات کے مطابق راولپنڈی میں پولیس لائنز میں واقع جناح پارک کے قریب چوہدری عدنان کی گاڑی ٹریفک سگنل پر رکی تو  موٹر سائیکل پر سوار حملہ آوروں نے اُن پر فائرنگ کردی جس کے نتیجے میں وہ شدید زخمی ہوئے۔ سابق ایم پی اے کو تشویشناک حالت میں بے نظیر اسپتال منتقل کیا گیا جہاں وہ زخموں کی تاب نہ ہوئے جاں بحق ہوگئے۔

پولیس کے مطابق چوہدری عدنان کو ٹارگٹ کلنگ کی واردات میں نشانہ بنایا گیا ہے۔ اُن کے چہرے پر لگنے والی گولی جان لیوا ثابت ہوئی۔