لکی مروت کے علاقے حیات خیل میں نامعلوم مسلح افراد کی فائرنگ کے نتیجے میں چھٹی پر گھر آئے ہوئے بلوچستان ایف سی کے اہلکار انعام اللہ شدید زخمی ہوگئے۔
پولیس کے مطابق زخمی اہلکار کو فوری طور پر ہسپتال منتقل کیا جا رہا تھا تاہم وہ راستے میں زخموں کی تاب نہ لاتے ہوئے شہید ہوگئے۔
پولیس کا کہنا ہے کہ فائرنگ کے بعد نامعلوم حملہ آور موقع سے فرار ہوگئے۔ شہید اہلکار انعام اللہ بلوچستان ایف سی میں خدمات انجام دے رہے تھے اور چھٹی پر اپنے گھر آئے ہوئے تھے۔ پولیس نے واقعے کی تحقیقات شروع کر دی ہیں جبکہ ملزمان کی تلاش جاری ہے۔
