تھانہ سنبل کے علاقہ جی 15 میں پولیس اور کارچوروں کے درمیان مقابلہ.
مقابلے میں دو کار چور عمران اور وسیم اپنے ساتھیوں کی فائرنگ سے زخمی حالت میں گرفتار کر لئے گئے۔ پولیس نے موقع سےآلات کار چوری اور اسلحہ بھی برآمد کرلیا۔ کار چوروں نے گزشتہ روز لوہی بھیر کے علاقے سے گاڑی چوری کی تھی۔ ملزمان نے چوری کی گئی گاڑی جی 15 میں کھڑی کردی تھی۔
پولیس نے گاڑی کو ٹریس کر کے علاقہ میں سادہ کپڑوں میں پولیس تعینات کی۔ چار کار چور علی الصبح دوسری گاڑی میں چوری شدہ گاڑی کی نمبر پلیٹ تبدیل کرنے لگے۔اسی دوران پولیس نے چھاپہ مارا تو ملزمان نے فائرنگ کردی۔ حفاظتی اقدامات کی وجہ سے پولیس افسران فائرنگ سے محفوظ رہے۔ دو ملزمان موقع سے فرار ہوگئے جن کی گرفتاری کے لئے چھاپے مارے جارہے ہیں۔ آئی جی اسلام آباد سید علی ناصر رضوی، ڈی آئی جی اسلام آباد سید علی رضا کی پولیس ٹیموں کو شاباش دی۔
