ضلع مانسہرہ کے واقع ایک نجی سکول میں چار بہنوں کا اکلوتا بھائی محمد علی ولد شہزاد جاں بحق ہو گیا۔ محمد علی ایک پرائیویٹ سکول میں آٹھویں جماعت کا طالب علم تھا۔ بچے کا والد ملک سے باہر روزگار کے سلسلے میں مقیم ہے۔ تھانہ سٹی میں واقعہ کی ایف آئی آر درج کر دی گئی ہے۔
ذرائع کے مطابق سکول انتظامیہ آٹھویں جماعت کے طالب علم کی لاش ہسپتال میں چھوڑ کر غائب ہو گئی۔جاں بحق ہونے والے طالب علم کے ورثا نے احتجاج کرتے ہوئے سڑک بلاک کر دی ۔ بچے کی نعش کا پوسٹ مارٹم کیا گیا ہے۔ پوسٹ مارٹم رپورٹ کے مطابق بچے کا ایک دانت ٹوٹا ہوا تھا۔ سکول انتظامیہ کا کہنا ہے کہ بچہ روزے کی حالت میں گرا ہے۔
