دھند کے باعث ہزارہ موٹر وے پر ہری پور اور شاہ مقصود انٹر چینج کے درمیان گاڑیوں کی ٹکرا گئیں۔ ریسکیو ذرائع کے مطابق ایک بس، کار اور وین کے علاوہ تعمیراتی مشینری کی بھاری گاڑی کے آپس میں ٹکرانے سے 3 افراد جاں بحق جبکہ 7 زخمی ہو گئے۔ ہری پور کے قریب حادثے کی اطلاع موصول ہوتے ہی موٹر وے پولیس بھاری نفری کے ہمراہ موقع پر پہنچ گئی اور امدادی کاروائیاں شروع کر دیں۔ ترجمان کے مطابق کرین اور دیگر مشینری منگوا کر آپریشن مکمل کرلیا گیا۔
موٹر وے پولیس کے ترجمان نے مزید بتایا ہے کہ حادثے میں زخمی ہونے والوں میں سے 2 افراد شدید زخمی ہیں۔ ابتدائی معلومات کے مطابق حادثہ بس کے بریک فیل ہونے کی وجہ سے پیش آیا، بس مانسہرہ سے لاہور جا رہی تھی۔
