تورغر: تحصیل دوڑمیڑہ میں قتل کیس کا ڈراپ سین، قاتل گرفتار
تورغر کی تحصیل دوڑمیڑہ میں ہونے والے قتل کے واقعے میں اہم پیشرفت ہوئی ہے، جہاں پولیس نے ملزم کو کامیاب کارروائی کے بعد گرفتار کر لیا ہے۔ ابتدائی تحقیقات کے مطابق ملزم نے اپنے غلط اعمال اور کرتوتوں کو چھپانے کے لیے یہ انتہائی قدم اٹھایا تھا۔
واقعے کے بعد پولیس نے فوری طور پر جائے وقوعہ سے شواہد اکٹھے کیے اور ملزم کی تلاش کے لیے ایک مربوط حکمت عملی تیار کی۔ جدید ٹیکنالوجی اور انٹیلیجنس معلومات کی مدد سے ملزم کا سراغ لگا کر اسے گرفتار کر لیا گیا۔
ملزم کو پابند سلاسل کر دیا گیا ہے اور اس کے خلاف مزید قانونی کارروائی جاری ہے۔ مقامی افراد نے پولیس کی مستعدی اور تیزی سے انصاف کی فراہمی کے عمل کو سراہا ہے۔
