خیبر: لنڈی کوتل میں نامعلوم مسلح افراد کی فائرنگ کے نتیجے میں مقامی سی ٹی ڈی پولیس اہلکار عاصم شینواری شہید ہوگئے۔ پولیس ذرائع کے مطابق واقعہ زکریا مسجد کے قریب پیش آیا۔
پولیس کا کہنا ہے کہ نامعلوم حملہ آوروں نے عاصم شینواری پر اُس وقت فائرنگ کی جب وہ اپنے گھر کے سامنے موجود تھے۔ فائرنگ کے نتیجے میں وہ شدید زخمی ہوگئے اور موقع پر ہی دم توڑ گئے۔
واقعے کے بعد پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر شواہد اکٹھے کرنا شروع کردیئے۔ پولیس ذرائع کے مطابق واقعے کی تفتیش شروع کردی گئی ہے جبکہ حملہ آوروں کی تلاش جاری ہے۔
