سوات کے علاقے کبل میں ہونے والے خودکش دھماکے سے متعلق سی ٹی ڈی کی تحقیقاتی رپورٹ سامنے آگئی ، جس میں حملہ آور سے متعلق انکشافات کئے گئے ہیں ۔
پشاور: کبل خودکش حملے سے کی تحقیقات کرنے والی تفتیشی حکام کے مطابق خودکش حملہ آور کا تعلق اپر دیر سے تھا اور وہ اس سے قبل بھی دہشت گردی کے واقعات میں ملوث رہا ۔
تفتیشی حکام نے بتایا کہ خودکش بمبار کے سرحد پار روابط اور نقل و حرکت سے متعلق بھی تحقیقات جاری ہیں، حملہ آور 14 اکتوبر 2022 کو افغانستان گیا تھا جبکہ 29 دسمبر 2022 کو واپس پاکستان پہنچا تھا ۔
خودکش حملے کی تفتیشی کے حکام کا مزید کہنا تھا کہ واقعے سے متعلق کئی مشتبہ افراد کو حراست میں لے کر تحقیقات کا دائرہ وسیع کردیا گیا ہے اور واقعے کی مختلف زاویوں سے مزید تفتیش بھی جاری ہے ۔
