اسلام آباد میں جعلی ڈپلومہ جات کی تیاری میں ملوث عناصر کے خلاف ایف آئی اے کا کریک ڈاون، دو اہم ملزمان کو گرفتار کر لیا۔ ایف آئی اے اینٹی کرپشن سرکل اسلام آباد کی بڑی کارروائی میں گروہ کے 2 اہم ترین کارندوں کو گرفتار کر لیا گیا۔ ملزمان کی شناخت ارسلان زاہد اور زوہیب زاہد کے نام سے ہوئی۔ ملزمان کو ضمانت قبل از گرفتاری منسوخ ہونے پر گرفتار کیا گیا۔ سپیشل جج سنٹرل کی جانب سے ملزمان کی ضمانت منسوخ کی گئی۔
ذرائع کے مطابق ملزمان جعلی ڈپلومہ اور سرٹیفکیٹس کی تیاری میں ملوث پائے گئے، ملزمان ایم ائی ائی ایم کے نام سے انسٹیٹیوٹ چلا رہے تھے۔ ملزمان بھاری رقوم کے عوض جعلی ڈپلومے اور سرٹیفیکٹس جاری کرتے تھے۔ ملزمان کو گرفتار کر کے تفتیش کا آغاز کر دیا گیا ہے۔
