لوئر چترال کے مقامی شکاری نے وادی ارکاری میں ہمالین آئی بیکس کا شکار کرکے نمایاں کامیابی حاصل کی ہے۔ محکمہ وائلڈ لائف کے ترجمان لطیف الرحمان کے مطابق شکار شدہ ہمالین آئی بیکس کی عمر تقریبا 10 سال تھی اور اس کے سینگوں کی لمبائی 43.5 انچ ریکارڈ کی گئی۔ یہ شکار ٹرافی ہنٹنگ سیزن کے دوران کیا گیا۔
ترجمان نے بتایا کہ وادی ارکاری میں مؤثر حفاظتی اقدامات کے نتیجے میں ہمالین آئی بیکس کی آبادی میں خاطر خواہ اضافہ دیکھنے میں آیا ہے۔ انہوں نے مزید کہا کہ ٹرافی ہنٹنگ کے قوانین کے مطابق شکار سے حاصل ہونے والی رقم کا 80 فیصد حصہ مقامی ویلیج کنزرویشن کمیٹیوں کو دیا جاتا ہے، یہ رقم تعلیم، صحت اور دیگر فلاحی کاموں کیلئے استعمال ہوتی ہے
ماہرین کے مطابق ٹرافی ہنٹنگ نہ صرف وائلڈ لائف کے تحفظ اور موثر سیاحت کے فروغ کے لیے ایک کامیاب ماڈل ہے بلکہ یہ مقامی کمیونٹی کے لیے معاشی فائدے کا ذریعہ بھی ہے۔
