گلگت بلتستان کے علاقے چلاس میں بابوسر شاہراہ پر مسافر گاڑی کو حادثہ پیس آیا ، حادثے میں 2 افراد جاں بحق جبکہ 10 شدید زخمی ہو گئے، بتیا گیا کہ گاڑی میں مستورات تبلیغی جماعت کی خواتین کا تعلق پشاور سے ہے ۔
گلگت:: چلاس میں بریک فیل ہونے کے باعث مسافر وین گہری کھائی میں جا گری، گاڑی میں مستورات تبلیغی جماعت کی خواتین سوار تھیں، جس میں 2 افراد جاں بحق جبکہ 10 شدید زخمی ہو گئے ۔
متاثرہ تبلیغی جماعت کا تعلق پشاور سے بتایا جارہا ہے،جاں بحق اور زخمیوں کو فوری طور پر آر ایچ کیو ہسپتال چلاس منتقل کردیا گیا جہاں بعض زخمیوں کی حالت تشویشناک بتائی جا رہی ہے ۔
ریسکیو اہلکاروں، پولیس اور مقامی افراد نے مشترکہ کارروائی کرتے ہوئے زخمیوں کو جائے حادثہ سے نکال کر آر ایچ کیو ہسپتال منتقل کر دیا ۔
بابوسر شاہراہ پر پیش آنے والے اس افسوسناک حادثے کے بعد متعلقہ اداروں نے مسافروں سے احتیاطی تدابیر اختیار کرنے اور گاڑیوں کی فٹنس یقینی بنانے کی اپیل کی ہے ۔
