چیف آف آرمی سٹاف جنرل عاصم منیر نے ہیوی انڈسٹریز ٹیکسلا کا دورہ کیا ۔ دوران دورہ آرمی چیف کو حیدر ٹینک کی تکنیکی صلاحیتوں پر بریفنگ دی گئی۔
آرمی چیف نے حیدر ٹینک پروجیکٹ کی رول آٹ تقریب میں شرکت کی جس میں چین کے سفیر، چینی کمپنی کے حکام اور پاک فوج کے حکام نے بھی شرکت کی۔ہیوی انڈسٹریز ٹیکسلا کے دورے کے دوران آرمی چیف کو اسلحے اور ملکی ترقی کے حصول میں پیشرفت سے آگاہ کیا گیا جب کہ حیدر ٹینک کی تکنیکی صلاحیتوں پر بریفنگ دی گئی ۔آئی ایس پی آر کے مطابق حیدر ٹینک وارفیئر فیلڈ میں جدید ترین ٹیکنالوجی اور متاثر کن صلاحیت رکھتا ہے۔ٹینک میں قابل ذکر فائر پاور اور پروٹیکشن کی خصوصیات ہیں۔آئی ایس پی آر کا کہنا ہے کہ جدید ترین ٹیکنالوجیز سے تیار حیدر ٹینک پاکستانی دفاعی صنعت کی بہترین کارکردگی کا منہ بولتا ثبوت ہے
