برمنگھم (برطانیہ ) میں تعینات پی آئی اے کے ڈپٹی اسٹیشن منیجر اقبال جاوید باجوہ کی ملازمت کو ختم کر دیا گیا ـ
ذرائع کے مطابق ، پی آئی کے ترجمان کا کہنا ہے کہ ڈپٹی اسٹیشن مینجر اقبال جاوید باجوہ کا لاہور بورڈ سے ایف اے کا سرٹیفکیٹ جعلی ثابت ہوا ،اور اسی وجہ سے اقبال جاوید باجوہ کو مستعفی ہونے کو کہا گیا تھا، جس کے بعد برطانیہ میں پی آئی اے کے ڈپٹی اسٹیشن منیجر اقبال جاوید باجوہ نےاستعفی دے دیا ہے۔مزید یہ بتایا گیا کہ اقبال جاوید باجوہ کو 30 جولائی کو پی آئی اے کے فنانس منیجر برمنگھم کے ذریعے شوکاز دیا گیا تھا ـ
ذرائع کے مطابق ڈپٹی اسٹیشن مینجر اقبال جاوید باجوہ نے 1977 میں پی آئی اے راولپنڈی آفس میں ملازمت حاصل کی اور انہوں نے 1980 کی دہائی کے آخر میں انگلینڈ کی شہریت حاصل کی ،اقبال جاوید باجوہ نے برطانیہ کی شہریت لیتے ہی پی آئی اے میں اپنی ملازمت برطانوی شہری کی حیثیت سے تبدیل کرالی ـ
ذرائع کے مطابق ،اقبال جاوید باجوہ سابق آرمی چیف جنرل ریٹائرڈ قمرجاوید باجوہ کے بھائی ہیں۔
