بیرسٹر گوہر نے کہا ہے کہ امید ہے الیکشن کمیشن کل عوام کی امنگوں کے مطابق اپنا فیصلہ سنائے گا۔
اسلام آباد میں میڈیا سے گفتگو کرتے ہوئے رہنما تحریک انصاف بیرسٹر گوہر کا کہنا تھا کہ عوام نے اپنا فیصلہ 8فروری کو سنا دیا۔ الیکشن کمیشن بھی عوام کی امنگوں پر اپنا فیصلہ سنائے۔الیکشن کمیشن نے آج تک ہمارے آئینی و قانونی حقوق کا تحفظ نہیں کیا۔انہوں نے کہا کہ ہم نے ہر بار الیکشن کمیشن کے فیصلے کا احترام کیا۔پی ٹی آئی کے 86امیدواروں نے سنی اتحاد کونسل کو جوائن کیا۔
خیبرپختونخوا میں 90 ایم پی اے نے سنی اتحاد کونسل میں شمولیت اختیار کر لی ہے۔بیرسٹر گوہر کا کہنا تھا کہ سندھ میں 9ایم پی اے جبکہ پنجاب میں ہمارے 107 ایم پی ایز نے سنی اتحاد کونسل میں شمولیت اختیار کی۔رہنما پی ٹی آئی نے کہا کہ پنجاب اور سندھ اسمبلی کا سیشن غیر قانونی طریقے سے ہوا۔وفاقی اسمبلی کا سیشن بھی غیر قانونی ہوگا۔الیکشن کمیشن سے درخواست ہے ریزرو سیٹوں کا بہتر فیصلہ کرے۔مخصوص نشستوں کے فیصلے تک قومی اسمبلی کا اجلاس نہیں ہو سکتا۔اس موقع پر سنی اتحاد کونسل کے سربراہ صاحبزادہ حامد رضا نے کہا ہے کہ ہم امید ہے کرتے ہیں الیکشن کمیشن اس بار حقائق، آئین اور قانون کے مطابق فیصلہ کرے گا
