حال ہی میں کرسی نہ ملنے پر دلہا نے شادی کو ختم کرنے کا فیصلہ کرلیا۔
بھارتی میڈیا رپورٹ کے مطابق دلہن کے والد مبین نے بتایا کہ ان کی بیٹی کی بارات نئی دہلی سے اورنگ آباد پہنچی تھی جہاں ان کے پورے خاندان نے دلہا اور اس کے گھروالوں کا انتہائی خوشدلی سے استقبال کیا۔ باپ کے مطابق بارات پہنچنے کے بعد ہر شخص تقریب انجوائے کر رہا تھا لیکن اسی دوران دلہا کی دادی اور ایک مہمان کے درمیان کرسی پر جھگڑا شروع ہوگیا۔
میڈیا رپورٹ کے مطابق دادی نے اس جھگڑے کو اپنی بے عزتی سمجھی اور دلہے سے شکایت کردی اور بارات پہنچنے کے چند گھنٹوں بعد ہی دلہا نے اس شادی کو ختم کرنے کا فیصلہ کرلیا۔ ایک باراتی نے بتایا کہ جھگڑا بڑھنے پر دلہن والوں نے دلہا کے خاندان کو ایک کمرے میں بند کردیا اور شادی پر خرچ کی گئی رقم کا مطالبہ کیا اور کچھ رقم کی ادائیگی کے بعد دلہن والوں نے بارات واپس جانے دی۔
